Netbal Prestasies 2025. ’n Goue Hoofstuk vir Wilgie-Netbal in 2025.

Die 2025-netbalseisoen het weer eens as ’n hoogtepunt op Hoërskool Die Wilgers se sportkalender geskitter. In die Diamond B-Liga het verskeie Wilgiespanne hul staal gewys:

Ligawenners: o/14A, o/15A, o/15B, o/16A, o/17A, en o/19A.

Naaswenners: o/14B, o/16B, en o/19B

Die volgende spanne het die skool met trots verteenwoordig in die distriksfinaal op 4 Junie: o/14A, o/16A, o/17A en o/19A. Elke span het hul eie storie van dapperheid en deursettingsvermoë geskryf:

• Die o/14A-span het ná twee naelbyterwedstryde as algehele wenners uit die stryd getree.
• Die o/16A’s het ná gelykop en ekstra tyd, met ’n dramatiese “sudden death” hul wedstryd beklink.
• Die o/17A’s het met vastberadenheid albei uitspeelwedstryde gewen.
• Die o/19A’s moes ongelukkig die knie buig ná ’n intense wedstryd wat met net twee doele verloor is.

Op 7 Junie het die o/14A, o/16A en o/17A-spanne die skool verteenwoordig by die Tshwane-uitspele. In ’n reeks wedstryde teen makro-skole het Wilgie-netbal se vasberadenheid helder geblink:

• Die o/14’s het ’n groot opskudding veroorsaak toe hul wedstryd teen Hoërskool Wonderboom gelykop eindig.
• Die o/16’s het kragte gemeet met Hoërskool Waterkloof en Midstream College.
• Die o/17’s het die uitdaging teen Hoërskool Zwartkop en Hoërskool Centurion aangepak.

Hoewel die spanne nie na die Gauteng-uitspele deurgedring het nie, was dit ’n seisoen van uitmuntende spel, nuwe tradisies en ware Wilgie-gees. Elke speler en afrigter het met trots op die baan gestaan en die Wilgernaam met waardigheid gedra.

Al die Wilgies is ongelooflik trots op julle almal – julle het nie net wedstryde gespeel nie, maar ’n nalatenskap gebou.

Lees meer skolenuus hier: https://schoolsthatrock.co.za/

https://hswilgers.co.za/

Foto’s verskaf