CVO Gromar, Groblersdal, het onlangs hul matriekafskeid gehou by Maroela Lodge.

Die tema was “Uit die Natuur” en het dit mooi ingeskakel by al die protokol reëls wat vir Covid-19 gevolg moes word.

Daar was 17 van Gromar se matrieks met hul metgeselle betrokke by die matriekafskeid, sowel as hul ouers en onderwysers wat ook genooi was.

Die kos was uit die boonste rakke en die matrieks het dit geweldig baie geniet.

CVO Gromar bedank hierdie jaar se graad 11’s vir hul harde werk om die aand ’n sukses te kon maak, asook die graad 10’s wat in beheer was van die modeparade reëlings. Dit is altyd ’n hoogtepunt.