Bevrore bessiejogurt

Bestanddele

• 60 ml (1/4 k) heuning
• 125 ml (1/2 k) water
• 300 g bevrore en gemengde bessies
• 500 g vetvrye Griekse jogurt

Opdiening

• 60 g vars frambose
• 60 g vars bloubessies

Metode

1. Meng heuning en water in klein pot. Roer oor lae hitte tot heuning oplos. Bring tot kookpunt sonder om te roer. Verminder hitte tot laag en laat onbedek vir 3 minute prut of tot stroperig. Wees versigtig dat dit nie brand nie. Laat afkoel.
2. Verwerk of meng verkoelde stroop, bevrore bessies en jogurt tot glad. Druk mengsel deur growwe sif in 2 l-houer. Vries vir 4 uur of tot ferm.
3. Verwerk in voedselverwerker om ysstukkies op te breek. Vries weer vir 4 uur. Skep gelyke hoeveelhede bevrore jogurt in vier opdienbakkies en plaas vars bessies bo-op.

Lees ook: Koel af met die lekkerste yslollies | rooi rose