Lientjie Mentz
Gert Bruhns (85) het vandag in die Bloemfonteinse landdroshof op aanklag van moord verskyn nadat hy na bewering Saterdag sy seun, Erich (56), in Bainsvlei geskiet het.
Erich is Saterdag by ‘n woonhuis is Meadhurstlaan glo in die nek geskiet waarna nooddienste hom na ‘n hospitaal geneem het. Hy het Sondag aan sy wonde beswyk.
Bruhns senior is kort ná die insident in hegtenis geneem nadat hy glo van die toneel probeer vlug het.
Sers. Mahlomola Kareli sê die polisie het hom naby die N1-snelweg in hegtenis geneem en ‘n gelaaide vuurwapen en ekstra ammunisie is by hom gekry.
Bruhns se saak is tot 29 April uitgestel wanneer hy om borgtog kan aansoek doen. Hy bly in aanhouding.
LaReece Visagie kla aan.
