Cleantha Koetzee (13) van Upington, ’n leerling aan die Hoërskool Duineveld, het tydens die onlangse skoolvakansie aan die Suid-Afrikaanse Kampioenskap
vir Uitvoerende Kunste (Sacopa) se byeenkoms in Rustenburg deelgeneem.
Dié student aan die Dawrette Heyns Model-akademie het in die model-afdeling meegeding.
Cleantha het die hoogste individuele punt in dié afdeling behaal en is met die Grand Champion-eerbewys beloon. Sy het ook ’n goue eerbewys in die fotogeniese afdeling ontvang; silwer in loopplank: informeel; brons in swemdrag; en brons in skoonheidswedstryd: formeel.
Sacopa, wat vanjaar sy 25ste bestaansjaar vier, bied normaalweg sy byeenkomste in Rustenburg aan. Op so ’n geleentheid word die span vir Suid-Afrika gekies om aan die Wêreldkampioenskap vir Uitvoerende Kunste in Los Angeles in Amerika deel te neem.
Cleantha is in dié span ingesluit.
