Twee jong entrepreneurs van Goudveld-Hoërskool het hul plek onder die Top 20 in die nasionale Maak my ‘n Miljoenêr-kompetisie losgeslaan – en is gereed vir die volgende rondte tydens Kragdag van 7 tot 9 Augustus.
Alexis van Staden (14) en Marnus Cronje (17), is al ver gevordered in dié kompetisie .
Alexis, die jongste van die twee, het reeds haar stempel afgedruk met haar eie Boba-besigheid.
Met kreatiewe geure en ‘n sterk dryfkrag om te innoveer, het sy nie net haar produk onder verbruikers gevestig nie, maar ook die aandag van die kompetisie se beoordelaars getrek. Sy sien uit daarna om haar onderneming by Kragdag aan die publiek te wys.
Alexis van Staden (14) is dinamiese entrepreneur en die stigter van haar eie Boba-besigheid.
“Ek wil hê mense moet sien dat ouderdom nie grense hoef te wees vir groot drome nie,” sê sy selfversekerd.
Alexis sê sy sien baie uit na die geleentheid. “Ek wil hê mense moet sien dat ouderdom nie grense hoef te wees vir groot drome nie,” het sy met ‘n glimlag gesê.
Nie net is sy ‘n voorbeeld vir haar maats nie, maar ook ‘n inspirasie vir die gemeenskap. Met haar kreatiwiteit, harde werk en toewyding wys Alexis dat die toekoms van entrepreneurskap in goeie hande is.
In ‘n wêreld vol kitsprodukte en massa-vervaardiging, staan een naam stewig soos egte hardehout uit. Marnus is ‘n passievolle ambagsman en entrepreneur wat homself opgewerk het tot een van die Top 20 Entrepreneurs in die bekende Maak my ‘n miljoener-kompetisie.
Waar ander tieners nog soek na rigting, bou hy reeds aan ‘n volhoubare besigheid, plank vir plank, stuk vir stuk.
Marnus doen nie net houtwerk, hy skep stories in hout.
Elke item wat hy maak, is handgemaak, uniek, en gebou volgens die kliënt se spesifieke versoek – of dit nou ‘n stylvolle décor-item, funksionele meubelstuk of iets kreatief en kleins is.
Hy ontwerp en verkoop ook sy eie oorspronklike produkte, alles met dieselfde vlak van sorg en vakmanskap.
Wat sy werk nog meer spesiaal maak, is dat hy uitsluitlik volhoubaar verkrygde soliede hout gebruik. Geen goedkoop afdrukmateriaal nie, geen snelsnywerk nie – net egte hout, geduld, en toewyding.
Dié balans tussen gehalte en volhoubaarheid het hom ‘n lojale kliëntebasis regoor Suid-Afrika besorg.
Van biltongkerwers met vlek-vrye staallemme tot sleutelhouers in legkaartvorm, bankies en dekorstukke vir moderne huise – Marnus se werk is ‘n kombinasie van tydlose tegnieke en vars idees.
Elke stuk dra sy kenmerkende styl: natuurlik, sterk en persoonlik. In ‘n mark waar almal probeer opval, het hy gewys dat harde werk en ware passie steeds die pad na bo is.
Elke stuk dra sy kenmerkende styl: natuurlik, sterk en persoonlik. In ‘n mark waar almal probeer opval, het hy gewys dat harde werk en ware passie steeds die pad na bo is.
You must be logged in to post a comment.