‘n Nuwe samewerking tussen Leftfoot Theatre Productions en The Drama Factory bring van Woensdag 12 tot Sondag 22 Augustus ses uitstaande teaterproduksies na die Helderberg.
Die reeks, bekend as Teater op Toer, sluit produksies soos Trans/Vaal, O meno o pouse, Prooi/Prey, Dubbelspel, Immortal en Seun in.
Trans/Vaal, ‘n Afrikaanse dansteaterstuk deur Ignatius van Heerden, ondersoek identiteit en selfaanvaarding in die 1980’s. Dit word op Woensdag 12 Augustus om 19:30 en Saterdag 22 Augustus om 15:00 opgevoer.
O meno o pouse, ‘n skreeusnaakse kabaret, volg Bets, ‘n pas afgetrede vrou wat haar drome herontdek.
Dit is op Donderdag 13 Augustus om 18:00, Saterdag 15 Augustus om 10:00 en Saterdag 22 Augustus om 12:00 te sien.
Prooi/Prey bied ‘n meesleurende teaterervaring oor mensehandel en orgaanhandel. Dit word op Donderdag 13 Augustus om 20:00, Saterdag 15 Augustus om 15:00, Sondag 16 Augustus om 14:00 en Saterdag 22 Augustus om 19:00 opgevoer.
Dubbelspel ondersoek skuld en manipulasie tussen twee voormalige minnaars.
Dit is op Vrydag 14 en 21 Augustus om 19:30 te sien.
Immortal, ‘n eenvrouproduksie deur Penny Wolhuter, vertel die verhaal van ‘n jong meisie wat die Blaaukrantz-rivier- brug-tragedie oorleef het.
Dit word op Saterdag 15 en Woensdag 19 Augustus om 19:30 opgevoer.
Seun, gebaseer op Dana Snyman se ervarings, ondersoek manlikheid en identiteit.
Dit is op Sondag 23 Augustus om 16:00 te sien.
- Kaartjies kos tussen R200 en R250 en kan aanlyn bespreek word by www.thedramafactory.co.za.
