Geen genade is gevra of gegee toe deelnemers van 10 senior verenigings verlede Donderdag (12 Maart) by ‘n sportdag in Strand koppe gestamp het nie.
Die boodskap was duidelik – hulle is dalk oud, maar hulle is ver van koud.
Die dag is aangebied deur Age In Action!, ‘n ontwikkelingsorganisasie wat die regte en waardigheid van bejaardes handhaaf. Hoewel die doel was om aktiewe veroudering te bevorder, het die oumas en oupas wat by Dr. G.J. Joubert Primêre Skool vergader het, die volle mededingende gees gehad.
Met gemeenskapstrots op die spel het verenigings van reg oor die metropool hul groot kanonne uitgehaal.
Hulle was Klub Goeie Hoop, die Parakletos-dienssentrum en Emmanuel-seniors (Eersterivier), Seniors Haven Camelot (Kuilsrivier), Grandmothers Against Poverty and AIDS (Khayelitsha), Guiding Stars (Northpine) en Meals op Wheels (Mitchells Plain). Maar die Helderberg het tuisveldvoordeel gehad met Strandsorg en Fairways van Sir Lowry’s Pass.
Aangepaste speeltjies is gespeel, wat nie net hul liggaamlike vermoë beproef het nie, maar ook vir hul ouderdom gepas was – soos die kieriestok-loop en die deftige wedloop. Met temperature tot 38 °C was dit te verwagte dat dinge sou opwarm! Lede van Age In Action! is geroep om elke noue besluit en pogings tot “bedrog” te hersien, terwyl oproepe van “Dis veronderstel om pret te wees!” met hekel van passievolle ondersteuners beantwoord is.
Toe die stof gaan lê het, is almal as wenners beskou. Die dag was ‘n groot sukses – gemeet aan die gelag, aktief wees en nuwe vriende maak.
You must be logged in to post a comment.