Vyftig jaar van diens is die afgelope Saterdag (11 April) by die Sencit Resthaven-tehuis vir bejaardes gevier – nie net die tehuis se mylpaal nie, maar ook die toewyding van langdienende personeel.
Die tehuis het die “Sencit-50ste tee-viering” gehou, waar inwoners en personeel die fees kon geniet, insluitend ‘n optrede in lewende lywe deur Kruger en Tutu (Matt Kruger en Warren Tutu).
Tydens die viering het die bestuur ook tyd afgestaan om personeel te vereer, van wie sommige al langer as die helfte van die tehuis se bestaan daar werk.
Ruth Booysen en Zoliswa Xabi is albei vir 10 jaar diens vereer, Frances van Wyk vir 15 jaar diens en Sharon van Schalkwyk vir 20 jaar diens.
Die tehuis en sy inwoners het nie ‘n spesiale vrywilliger vergeet wat hulle al byna 30 jaar bystaan nie.
Willy Engelbrecht was half “geskok” om erkenning te ontvang vir sy 30 jaar diens, maar is daaraan herinner – hoewel die meeste vrywilligers graag wil help, het hulle nie die tyd nie, terwyl Engelbrecht eenvoudig die tyd maak.
As deel van die viering is ‘n 50-jaar-koek aan die tehuis geskenk, waaraan die inwoners en personeel gesmul het.
You must be logged in to post a comment.