Twee leerders aan die Hoërskool Jim Fouché is in die Suid-Afrikaanse skole-atletiekspan ingesluit wat van 31 Augustus tot 3 September aan die internasionale kampioenskapsbyeenkoms in Bulawayo, Zimbabwe, gaan deelneem.
Anri Rautenbach het die afgelope atletiekseisoen uitstekend gevaar en was die hoogspringkampioen in die o.17-ouderdomsgroep op die Suid-Afrikaanse nasionale atletiekbyeenkoms. Franzelle Barnard was die hoogspringkampioen in die afdeling vir meisies o.15.
Altesaam 12 Vrystaters en 88 Suid-Afrikaners gaan aan die byeenkoms in Zimbabwe deelneem.
Vir Anri en Franzelle beteken insluiting in die span meer as net internasionale blootstelling en mededinging teen strawwer kompetisie. Dit bou ook ‘n platform vir ‘n moontlike professionele loopbaan in atletiek.
Die twee word deur Theo Senekal afgerig.
You must be logged in to post a comment.