Wêreld-gloukoomweek is van 6 tot 12 Maart gehou om bewusmaking van hierdie stille visie-dief te kweek.
Gloukoom is die tweede mees algemene oorsaak van blindheid in die wêreld, volgens Netcare Opticlinic.
Dit is ’n toestand wat skade aan jou oog se optiese senuwee veroorsaak en mettertyd erger word. Die verhoogde druk kan die optiese senuwee, wat beelde na jou brein oordra, beskadig en kan tot permanente visieverlies lei. Gewoonlik vloei die vloeistof in jou oog, wat die humor genoem word, uit jou oog deur ’n gaserige kanaal. Wanneer die kanaal geblokkeer word, bou die vloeistof op en veroorsaak dit verhoogde druk in die oog. Gloukoom word veroorsaak as gevolg van agteruitgang van die optiese senuwee.
Ouderdom, familiegeskiedenis, fisieke beserings aan die oog en verhoogde oogdruk is faktore wat die risiko van gloukoom kan verhoog. In die meeste gevalle is daar geen vroeë simptome of pyn nie. Een van die eerste tekens is dikwels verlies van perifere (sy-) visie, maar dit kan tot laat in die siekte onopgemerk bly. Gloukoom is dikwels beskryf as die “stille verblindende siekte” omdat daar geen spesifieke simptome of aanduidings is nie. Vroeë opsporing van gloukoom is die sleutel tot die voorkoming van visieverlies, asook die belangrikheid daarvan om elke twee jaar ’n volledige oogondersoek te laat doen.
Twee hooftipes gloukoom bestaan:. Oophoek (chroniese) gloukoom: Die dreinstruktuur van jou oog lyk normaal, maar vloeistof vloei nie uit soos dit moet nie.. Sluithoek (akute) gloukoom: Dit vind plaas wanneer die dreineringstelsel van die oog geblokkeer word en ’n skielike styging in druk veroorsaak. Akute gloukoom het die volgende simptome en mediese hulp moet onmiddellik verkry word: erge hoofpyn, oogpyn, naarheid en braking, versteurde visie, rooi oë en stralekranse rondom ligte.
Verskeie vinnige en pynlose toetse kan gedoen word om te kyk of jy gloukoom het, insluitend visietoetse en metings van die druk in jou oë. Gloukoom kan nie voorkom of genees word nie, maar dit kan behandel en beheer word. Onmiddellike behandeling vir vroeë stadium gloukoom kan die vordering van hierdie siekte vertraag – daarom is diagnose baie belangrik. Behandeling sluit in:. Oogdruppels is die algemeenste vroeë behandeling.. Laserbehandeling om te help om die vloeistof uit die oog te dreineer.. Chirurgie word gewoonlik gedoen wanneer medisyne en laserbehandeling nie genoeg is nie.
Neem asseblief kennis dat hierdie ’n insiggewende artikel is en nie as ’n mediese diagnose gebruik moet word nie. As jy bekommerd is, kontak jou dokter of oogkundige.
