Die Hugenote-tonnel en -tolpad sal Saterdag 20 Julie van 06:00 tot 16:00 vir alle verkeer in albei rigtings vir beplande instandhouding gesluit wees, het die Suid-Afrikaanse Nasionale Padagentskap SOC Beperk (Sanral) aangekondig.
“Ons het verskeie instandhoudingsprojekte wat voltooi moet word en ons het dit gekoördineer om te verseker dat ons alle werk gedurende hierdie ure voltooi.
“Die een volle sluiting sal ook die behoefte aan herhaalde vertragings en ontwrigtings wat vereis dat verkeer stilstaan, verminder, aangesien die spanne dan volle toegang tot hul werksgebiede sal hê sonder die risiko om in besige verkeerstoestande te werk,” sê Mike Vinello-Lippert, Sanral se projekbestuurder.
Padgebruikers word aangeraai om alternatiewe roetes te gebruik of hul reisplanne waar moontlik uit te stel.
Sanral vra om verskoning vir die ongerief en sal die publiek op hoogte hou van die tonnelbedrywighede.
