In Worcester, Suid-Afrika se Sorgstad, maak minibustaxi’s wat parkeerplek beset wat vir mense met gestremdhede gereserveer is, die lewe moeilik vir personeel en kliënte van die Breedevallei-vereniging vir Mense met Gestremdhede.
Michelle Vos, die vereniging se kantoorhoof, deel haar frustrasies oor hoe dié probleem van meer as ’n dekade die daaglikse bedrywighede beïnvloed.
Die situasie het begin toe taxi’s die parkeerruimtes vir gestremdes in Kerkhofstraat beset het, wat dit moeilik maak vir ouers om hul gestremde kinders af te laai sonder om deur taxi-bestuurders geïntimideer te word.
Die vereniging het selfs ’n omheining opgerig om te verhoed dat taxi’s te naby aan hul gebou parkeer, maar die taxi’s het die heining se pale uit die grond gery en reeds R90 000 se skade veroorsaak.
’n Maand gelede het ’n inbraak plaasgevind nadat die heining erg beskadig is, wat die veiligheid van die vereniging verder in gedrang bring. Die elektriese heining moes ook al sewe keer in vyf maande herstel word weens skade deur die taxi’s.
Die vereniging, wat reeds finansiële druk ervaar ná ’n verlies van ’n kwartmiljoenrand en ’n besnoeiing van finansiering deur die departement van maatskaplike ontwikkeling, vind dit moeilik om die voortdurende skade te bekostig.
Vos het verskeie pogings aangewend om die situasie op te los, insluitend kommunikasie met die taxi-vereniging en die Breedevallei-munisipaliteit (BVM), maar sonder sukses. Die vereniging se versoek om ’n deel van die parkeerruimte in Kerkhofstraat te koop of te huur is afgekeur weens ’n stormwaterpyp onder die grond.
Die frustrasie word vererger deur die feit dat taxibestuurders die parkeerruimte as ’n wasplek gebruik, dagga rook en urineer voor die vereniging se finansiële kantoor en vullis in die vereniging se tuin los. Vos is selfs met die dood gedreig en haar jeug word deur kwaai taxi-bestuurders geïntimideer.
Ten spyte van die uitdagings bly Vos vasberade om ’n oplossing te vind en te veg vir die regte van mense met gestremdhede.
Die situasie in Worcester beklemtoon die noodsaaklikheid van beter regulering en respek vir parkeerplek vir gestremdes, sowel as die behoefte aan samewerking tussen gemeenskapsorganisasies, die taxi-bedryf en plaaslike owerhede om toeganklike en veilige omgewings vir almal te verseker.
Minibustaxi’s wat die parkeerruimtes wat gereserveer is vir mense met gestremdhede beset, maak die lewe van personeel en kliënte van die Breedevallei-vereniging vir en van mense met gestremdhede in Worcester ’n lewende hel, sê Vos.
Vos sê wanneer ouers hul gestremde kinders daar moet aflaai, moet hulle met hul motors in die verkeer in Kerkhofstraat stilhou, die kinders uitlaai en die rolstoel uit die bagasiebak haal.
Sy sê indien dié ouers volgens die taxi-bestuurders te lank neem, intimideer hulle die ouers deur op hul toeters te lê en sê hulle (die taxi-bestuurders) moet in die pad val om sake te doen.
Vos sê sodra ’n gestremde persoon wel gebruik maak van parkeerplek wat aan hulle toegeken is, intimideer die taxi-bestuurders hulle.
“Tydens ons kantoorure beset die taxi’s al ons parkeerplek. Hulle staan net daar en wag totdat hulle moet ry.
“Ek het ouer mense wat hier kom aansoek doen om parkeerdiskette om in die dorp te parkeer. Hulle moet nou in Greystraat tot amper by Vallei FM se kantore parkeer en dan met hul krukke en rolstoele na ons toe kom, want hulle kan nie hier voor parkeer nie.”
Sy sê danksy finansiering het die vereniging ’n heining voor sy gebou opgerig omdat taxibestuurders in ’n stadium hul taxi’s tot teenaan die vereniging se gebou geparkeer het en musiek kliphard speel sodat kantoor-personeel nie hul werk behoorlik kan doen nie en klasse benadeel word.
“Ek het al vir hulle [die taxi-vereniging] briewe en WhatsApps gestuur. Ek het hulle gevra ‘asseblief, werk met my saam’, ‘ek smeek julle, los net die parkeerplek wat vir die rolstoele gemerk is’.”
Die vereniging het selfs so ver gegaan om kameras te installeer, maar net die volgende dag is die kameras gesteel.
Vos sê munisipale beamptes spreek die taxi-bestuurders aan, maar hul versoeke word geïgnoreer.
Vos het op 27 Oktober verlede jaar by die Breedevallei-munisipaliteit (BVM) aansoek gedoen om ’n oorskryding, wat beteken dat sy die helfte van die parkeer-ruimte in Kerkhofstraat wil koop of huur en sodoende deel van die vereniging se perseel wil maak. Die vereniging wou die parkeerruimte omhein.
Die aansoek is afgekeur omdat daar ’n stormwaterpyp onder die betrokke parkeer-ruimte aangelê is.
“Dieselfde mense wat vir ons destyds die heining gegee het, het nou weer vir ons geld gegee om dit [die betrokke parkeer-ruimte] toe te bou omdat hulle ons frustrasie verstaan. Die finansierder wil nou dié geld terugvat, want hulle sê hulle kan dit beter benut. Ek het hulle gevra om my nog kans te gee omdat ek seker is ek sal met die hulp van die munisipaliteit ’n oplossing kry.”
Volgens haar het sy dit ook oorweeg om die ruimte in ’n stop-en-ry-sone om te skep. Die BVM het egter gesê sy kan dit nie doen nie, want die parkeerruimte is openbare parkering.
“Ek voel net mense met gestremdhede word hier te na gekom. Ek is moeg vir baklei, maar ek sal aanhou baklei.”
