Virtuele uitdagings is nou werklik iets van die verlede en die datum vir die SPAR Vroue se 10 km-uitdaagreeks is aangekondig.
Die reeks begin Sondag 24 Maart in Kaapstad.
Vroue van die Moederstad en omgewing sal die Kaapstad-deel van Suid-Afrika se “mooiste wedloop” in Groenpunt aandurf. Daar word van deelnemers verwag om in hul duisende aan te tree ??by die wegspring, naby die Kaapstad-stadion, vir die 10 km-draf of -stap, of die 5 km-pretdraf.
“Ons is so bly dat ons hierdie geleentheid in ons pragtige Moederstad kan aanbied,” sê Elsabe van Zyl-Felix, advertensiebestuurder vir SPAR Wes-Kaap en Namibië.
Die tema vir vanjaar se SPAR Vroue-uitdaging is #KiesJy, met die onderliggende boodskap om na jouself om te sien.
“Die tema moedig jou aan om net op jou te fokus. Dit is nie ’n leë, selfgesentreerde manier om na jouself te kyk nie. In plaas daarvan wil ons saam met jou stilstaan ??en oor onsself dink. Wie ons is, waarvoor ons staan ??en waar ons wil wees. Om ons waarde as vroue te besef en te vier,” sê Van Zyl-Felix.
Dit kos R160 om in te skryf.
Dit sluit ’n inskrywingspakket met jou wedrennommer, die baie versamelbare SPAR-T-hemp, ’n pet en tydskrif in – alles verpak in ’n aantreklike herbruikbare sak.
Die getalle is beperk tot 14 000; deelnemers word dus aangemoedig om hul inskrywings so gou moontlik in te kry om die wedloop nie mis te loop nie.
Almal wat die wedloop voltooi, ontvang ’n resiesmedalje wat later as ’n sleutelring gebruik kan word, asook ’n goodie-bag.
Vir elke inskrywing wat ontvang word, sal SPAR ’n pak sanitêre doekies skenk, wat via sy Petals Projectin vennootskap met verskeie liefdadigheidsorganisasies oor die land heen versprei sal word.
As deel van die Groep se End GBV-veldtogsal die Saartjie Baartman-sentrum vir vroue en kinders, gebaseer in Manenberg, ook baat vind.
Die gewilde rapper EarlyB sal by die prysuitdeling vermaak verskaf. Benewens aansienlike kategoriepryse is wonderlike gelukstrekking-pryse op die spel.
Diegene wat ná die wedloop vir die prysuitdeling bly, geniet ??die kans om ’n trekking-prys van R30 000 se SPAR-bewyse te wen, asook ’n motor.
. Besoek www.sparwomensrace.co.za om aanlyn in te skryf.
