In die lig van die huidige ekonomiese klimaat en die feit dat die aansoek deur McGregor se Poësiefees-komitee om finansiering by die Nasionale Kunsteraad weens ’n tegniese fout van die hand gewys is, gaan die gewone fees vanjaar nie plaasvind nie, maar wel tydelik met ’n kleiner geleentheid vervang word.
Daar word beoog om volgende jaar, met die viering van die eeufees van Afrikaans as ’n amptelike taal, die fees weer ten volle op die been te bring om onder meer die ryk poëtiese geskiedenis en diversiteit van die Afrikaanse taal te bevorder en te vier.
Vir nou kan liefhebbers van poësie steeds McGregor van 6 tot 8 September besoek vir die Vriende van Poësie i-n McGregor se verskeie poësievoorlesingsgeleenthede.
Die naweek sal insluit:
. Bekendstelling van die Anthology 2023. Elke besoekende digter sal genooi word om hul bydrae(s) in die versameling voor te lees;
. Viering van ’n dekade van poësie in McGregor. Dit sluit in die voorlesing van gedigte van die feeste van 2013 tot 2023. Digters sal genooi word om hul eie werke uit 10 jaar van poësie in McGregor-bloemlesings voor te lees;.
. ’n Aandete propvol met poësie by Tebaldi’s;
. ’n Ontspanne oop mikrofoon-sessie waar gesoute en nuwe digters hul jongste werk kan voorlees;
. Poësie en meditasie in Little Way;
. Sommige poësievoorlesingsgeleenthede moet nog bevestig word en sal die gees van poësie in McGregor vier;
. Ashley Dowd se uitvoering van Circle Song.
Kaartjies vir vanjaar se kleiner maar intieme poësiefees is by Quicket beskikbaar.
