Die Langeberg-munisipaliteit het onlangs sy nuwe senior bestuurder vir administratiewe ondersteuning, Marius Moelich, verwelkom.
Moelich sal toesig hou oor die administratiewe ondersteuningsafdeling en direk aan Anton Everson, die direkteur van korporatiewe dienste, rapporteer.
Die administratiewe ondersteuningsafdeling sluit eiendomsadministrasie, die Thusong-dienssentrum, raadsadministrasie, rekords en argiewe, munisipale gebou-instandhoudingspanne, skakelbord- en ontvangsdamefunksies en die verkryging van items vir verskeie munisipale kantore in.
Moelich se pligte behels ook die bestuur van die departement se geldsake, skakeling met suksesvolle tenderaars vir tender- en kwoteringsprosesse en koördinering met ander departemente vir vlootvoertuie, fotostaatmasjiene en telefoonstelsels.
Moelich is ’n gegradueerde van die Universiteit Stellenbosch en het ’n magister in openbare administrasie en ook ’n gevorderde diploma in openbare administrasie.
Daarbenewens het ’n nasionale diploma in plaaslike owerheid: finansies van RSA Technikon, sowel as nasionale diplomas in plaaslike regering: finansies en plaaslike regering: administrasie van die Instituut vir Handel en Administrasie.
Hy beskik ook oor die munisipale minimum bevoegdheidskwalifikasie (24 modules).
As lid van IMASA (Instituut vir munisipale administrateurs vir Suider-Afrika), was Moelich ook vir ses jaar voorsitter van die Wes-Kaapse tak.
Hy bring uitgebreide ervaring na hierdie rol en spog met byna vier dekades in plaaslike regering.
Hy was die afgelope 23 jaar ’n integrale deel van die Kaap Agulhas-munisipaliteit, en dien as bestuurder van administratiewe ondersteuningsdienste vir die afgelope 15 jaar en voorheen as bestuurder van korporatiewe dienste vir agt jaar.
Sy agtergrond sluit verder in ses jaar by die kantoor van die ouditeur-generaal, 13 jaar as ’n rekenmeester, en een jaar as ’n adjunk-stadsklerk.
“Ons is vol vertroue dat Moelich se sterk werksetiek en kundigheid munisipale stelsels en sakeprosesse aansienlik sal verbeter en ons nader aan ons munisipale doelwitte sal bring.
“Weer eens, baie welkom by die span,” het die munisipale bestuurder van die Langeberg-munisipaliteit, Daniel Lubbe, sy nuwe kollega verwelkom.
