Die vierde ronde van Robertson-sagtebalkrieketunie-wedstryde het Sondag (23 Februarie) in die 20-boulbeurt-kompetisie plaasgevind.
Die spanne van Dorpsig United en Droë Heuwel United het in die eerste wedstryd van die dag kragte gemeet.
Dorpsig United het eerste gekolf en 117/8 bereik. DHU is op sy beurt vir 94 lopies uitgeboul. Dorpsig United het die wedstryd met 23 lopies gewen.
In die tweede wedstryd het die Tornado’s en Die Stoep teen mekaar gespeel.
Die span van Tornado’s het die loot gewen en besluit om eerste te kolf, maar is almal vir 68 lopies uitgeboul.
Die span van Die Stoep het met die kolf ingelê en die wenlopies 69/8) gehaal en die wedstryd met een paaltjie gewen.
Die Guptas en New Orleans het in die hoofwedstryd van die dag teen mekaar gespeel. Guptas het eerste gekolf en 142/9 in sy 20 beurte bereik.
New Orleans kon nie aan die gang kom nie en is almal vir 43 lopies uitgeboul.
Guptas het die wedstryd met 99 lopies gewen.
Wedstryde vir Sondag 2 Maart:
09:45 – Superstars t. Guptas
12:30 – Die Stoep t. Pen United
15:30 – Tornado’s t. Dorpsig United.
