Die Langeberg-munisipaliteit het Syntell aangestel om ’n volledige deur-tot-deur-oudit van elektriese meters by huishoudings en ondernemings in die Langebergstreek te onderneem.
Syntell sal van Oktober vanjaar tot November 2024 alle huishoudings en ondernemings in die Langebergstreek besoek.
Hierdie projek sal inwoners bystaan met die sagteware-opgradering van alle STS- voorafbetaalde kragmeters aangesien die Eskom-doen-dit-self-metode nie op Langeberg-munisipale kliënte van toepassing sal wees nie.
Wie sal my eiendom besoek?
Inwoners moet slegs gemagtigde veldwerkers met ’n amptelike Syntell-identiteitskaart toelaat om hul perseel te betree en toegang tot die elektrisiteitsmeter te kry.
Veldwerkers kan oor die duur van die projek verander. Kyk na die mees onlangse foto’s van die veld-ouditeurspan wat jou eiendom gaan besoek op die Langeberg- munisipale webwerf by www.langeberg.gov.za.
Jy kan ook die volgende metodes gebruik om hul identiteit te bevestig:. Skakel die Langeberg-munisipaliteit se 24/7-inbelsentrum by 0860 88 1111 of die Syntell-dienstoonbank by 021 812 1877.. WhatsApp: 072 728 9229. E-pos: servicedeskagents@syntell.co.za
Wanneer sal ’n Syntel-veldwerker my eiendom besoek?
Die voorlopige skedule vir die veld-ouditspan se besoek word hieronder gelys, maar dit is onderhewig aan verandering:. Ashton-Zolani: 13 dae, van 13 Oktober tot 31 Oktober 2023;. Ashton: 12 dae, van 1 November tot 16 November 2023;. Robertson-Nkqubela: 70 dae, van 1 November 2023 tot 6 Februarie 2024;. Robertson: 70 dae, van 7 Februarie 2024 tot 14 Mei 2024;. Bonnievale: 20 dae, van 15 Mei 2024 tot 11 Junie 2024;. McGregor: 15 dae, van 12 Junie 2024 tot 2 Julie 2024;. Montagu: 25 dae, van 3 Julie 2024 tot 6 Augustus 2024; en. Plase: 15 dae, van 7 Augustus 2024 tot 27 Augustus 2024.
Wat sal die Syntell-besoek aan my eiendom behels?
. ’n Inspeksie van die elektriese meter. Gebruikersdata-inligting-insameling. Herprogrammeer en voer spesiale sleutelwisseltekens in vir bestaande voorafbetaalde elektrisiteitsmeters sodat die meter ná 24 November 2024 aanhou werk.
Wat om te doen voordat Syntell my eiendom besoek
Gebruikers sal enige koopkrag moet laai voor die opgradering. Sodra jy jou sagteware verander het, sal jou voorafbetaalde meter geen koopkragnommers aanvaar wat voor dit gekoop is nie.
Hoekom is dit belangrik dat jy die Syntell-veldwerkers toelaat om toegang tot jou eiendom te kry?
Die unieke 20-syfernommer wat jy ontvang wanneer jy voorafbetaalde elektrisiteit koop, kan nie meer as een keer gebruik word nie.
Die unieke sleutel-identifiseerders (token identifiers of TID’s) wat gebruik word om elke elektrisiteitskredietnommer te identifiseer, sal op 24 November 2024 nie meer beskikbare nommers hê nie. Alle Suid-Afrikaners sal deur hierdie omskakeling geraak word.
Alle voorafbetaalde meters moet gekonfigureer word om die nuwe STS Edition 2-nommers te aanvaar sodra jou meter opgegradeer is.
As hierdie opgradering nie teen 24 November 2024 gedoen word nie, sal die voorafbetaalde meter nie sleutels kan aanvaar nie en die gebruiker sonder toegang tot elektrisiteit laat.
’n TID het gewoonlik ’n lewensduur van 31,9 jaar, waarna die meter teruggestel moet word en die metersleutel verander moet word.
Bestaande verkoopsleutels is gekoppel aan die 1993-basisdatum en ’n sleutelhersiening van 1, d.w.s. STS-uitgawe 1. Vir hierdie basisdatum bereik die TID sy lewenseinde op 24 November 2024. Dit is die 2024-token-ID (TID) Rollover.
STS Edition 2-verkoopsleutels is gekoppel aan ’n 2014-basisdatum en ’n nuwe sleutelhersiening. Vir hierdie basisdatum bereik die TID sy lewenseinde in 2045. Alle STS-produkte (oud en nuut) moet voor 24 November 2024 aan STS-uitgawe 2 voldoen.
Moenie sonder elektrisiteit gelaat word nie. Jou samewerking is noodsaaklik.
