Die Langeberg-munisipaliteit se R19-miljoen-afvalherwinningsfasiliteit (AHF), wat in Mei 2024 geopen is, het in slegs nege maande ’n buitengewone prestasie behaal deur R1 019 320 deur die sortering, baling en verkoop van herwinbare materiaal te verdien.
Hierdie inkomste word in die munisipale begroting teruggeploeg om kritieke infrastruktuur en prioriteite in dienslewering, wat in die munisipaliteit se geïntegreerde ontwikkelingsplan (GOP) geïdentifiseer is, aan te durf.
Sedert die ontstaan van die fasiliteit is 26 werksgeleenthede geskep, waaronder 24 tydelike algemene werkers, een tydelike toesighouer en een vurkhyseroperateur. Die toegewyde span, tesame met die gemeenskap se ondersteuning deur die voorsiening van huishoudelike en kommersiële herwinbare materiaal, het die Langeberg-munisipaliteit in staat gestel om meer as 982 ton herwinbare materiaal sedert Mei 2024 te sorteer en te baal – ver bo die aanvanklike teiken van 100 ton per maand.
Die munisipaliteit is verbind tot die vermindering, hergebruik en herwinning van afval om die hoeveelheid afval wat sy stortingsterreine bereik, te beperk. Die werklikheid is dat afvalstortingsfasiliteite oor Suid-Afrika heen, insluitend dié van die Langeberg, vinnig kapasiteit bereik. Die munisipaliteit beoog om die lewensduur van sy stortingsterreine deur volgehoue herwinningspogings te verleng en ’n skoner, meer volhoubare toekoms vir almal te bevorder.
Aangesien die bou van nuwe stortingsterreine nóg volhoubaar nóg omgewingsvriendelik is, verteenwoordig die nuwe AHF, tesame met ander afvalverminderingsinisiatiewe, ’n belangrike stap om die omgewing te bewaar en stortingsterreinkapasiteit vir toekomstige geslagte te vervolmaak.
Die AHF is langs die oordragstasie in Abattoir Weg, Ashton, en dien as ’n openbare aflaaipunt vir die Langeberg-munisipaliteit, waarheen inwoners enige herwinbare materiaal kan bring.
Daarbenewens versamel die munisipaliteit herwinbare materiaal van huishoudings en ondernemings op aangewese afvalversamelingsdae.
Die herwinbare materiaal word dan na die AHF geneem vir sortering, baling en verspreiding na maatskappye wat dit as grondstowwe vir die vervaardiging van nuwe produkte gebruik.
Behoorlik gesorteerde herwinbare materiaal het groter waarde en word wyd in die florerende herwinningsbedryf aanvaar.
Hoe om jou deel te doen? Om die inisiatief volhoubaar te maak, benodig die munisipaliteit jou herwinbare materiaal.
. Kry ’n gratis deursigtige plastieksak by jou munisipale kantoor en vul die sak met papier, karton, plastiek, blik en glasafval (spoel items asseblief skoon voordat dit in die sak geplaas word);
. Dis onnodig om herwinbare materiaal elke week uit te sit – plaas slegs die vol sak buite op die sypaadjie – bo-op of langs die wielietjiesdrom, op afvalversamelingsdae. In ruil daarvoor sal ’n nuwe deursigtige sak aan jou verskaf word.
