Om by binnelandse sake in Worcester gehelp te word, is soos ’n nagmerrie wat nie wil eindig nie.
Om enige antwoorde uit amptenare te kry oor wat daar aangaan, is ook haas onmoontlik. Standard is van bakboord na stuurboord gestuur hieroor.
Lang rye by binnelandse sake is niks nuuts vir inwoners nie, maar sedert die begin van die Covid-pandemie het werksaamhede by dié departement se Worcester-kantoor tot al hoe meer pyne vir mense wat hierdie dienste nodig het, gelei.
Standard het Vrydag (4 Maart) foto’s van die rye gaan neem en probeer uitvind wat die gemiddelde tydsduur was wat mense daar staan.
By ons aankoms het drie rye teen wisselende “spoed” beweeg. Een besoeker het gesê die ry vir mense wat tydelike indentiteitsdokumente moet bekom, vorder die vinnigste.
’n Vrou in dié ry het gesê sy was vroegoggend reeds daar en was al twee en ’n half uur in die ry.
Toe Standard met haar gepraat het, was sy nog nie gehelp nie.
’n Ander vrou het gesê sy is “redelik vinnig” gehelp omdat sy in die ry vir tydelike identiteitsdokumente gestaan het.
Buite
Die tweede amptenaar het Dinsdagoggend aan Standard gesê sy is “nie die geskikte persoon om antwoorde te gee nie” en die koerant na ’n derde amptenaar verwys.
Sy het egter probeer verduidelik dat die hoeveelheid mense wat elke dag gehelp wil wees, “te veel is”, wat dit moeilik maak en tot lang rye lei.
’n Navraag is toe per e-pos aan die derde amptenaar gestuur en verskeie oproepe is gemaak na die telefoonnommer wat verskaf is, maar niemand het op die e-pos gereageer of die telefoon beantwoord nie.
Intussen is dit dalk wys om ’n kampeerstoel en “padkos” in te pak wanneer jy jou paspoort of identiteitskaart moet gaan hernu of laat vervang.
