Baie bekyk museum

Verlede week het besoekers van heinde en verre gekom op die Worcester Museum by Kleinplasie te besoek vir die jaarlikse museumdag vieringe. Museumdag, wat jaarliks op 18 Mei aangebied word, het gepoog om besoekers en geskiedenis liefhebbers weer opgewonde te maak oor die belangrikheid van hierdie instellings. Jonges en oues het veral die dag geniet waar baie interessanthede ten toon gestel is. Die museum maak ook binnekort hul nuwe restaurant se deure oop wat beloof om vir besoekers ’n fantastiese ondervinding te bied.