Waarom moet hoërskoolleerlinge deelneem aan die S.T.I.R. Weskus-kompetisie?
Ongelooflike pryse:
Pryse sluit in ‘n MSC-vaart vir twee van Durban na die Portugese Eiland, kookkursusse by ‘n sjefskool, Yuppie-sjefgereedskap en nog baie meer.
Vaardigheidsontwikkeling:
Leer by professionele sjefs! In die laaste fase sal deelnemers ‘n bekende sjef ont- moet wat hul vaardighede sal evalueer.
Blootstelling:
Deelnemers kry die kans om hul talent te vertoon en vaardighede toe te pas, en waardevolle ervaring vir toekomstige kulinêre loopbane op te doen.
Odile Petersen, kurrikulum-adviseur vir die verbruikerstudies en gasvryheidstudies in die verdere onderwys en oplei- ding-fase (VOO) vir die Weskus-onderwysdistrik, sê dit is tyd vir hoërskoolleerders om hul kreatiwiteit te ontketen.
“Jong kosliefhebbers wat daarvan hou om opslae te maak, kry nou die kans om hul vaardighede, talent, innovasie en vermoë om disse te herontwerp, te wys.”
Die finansiële wins uit inskrywingsgelde en korporatiewe borge sal eerstens gebruik word om aan die deelnemers sorgvuldig uitgesoekte pryse en blootstelling aan bedryfspesialiste te betaal.
Tweedens sal ‘n deel van die opbrengs geskenk word aan drie minderbevoorregte skole in die Saldanhabaai- munisipale gebied om opvoedkundige onder- steuning aan hul leerders te bied.
Hoe om in te skryf:
Die kompetisie is oop vir deelnemers wat tussen 2007 en 2011 gebore is. Belangstellende jong kosskeppers word aangemoedig om nou in te skryf en ‘n kans te staan om groot pryse te wen. Die inskrywingsfooi beloop R500, met Saterdag 31 Maart as die sluitingsdatum. Fase 1 vereis dat deelnemers ‘n video maak waarin hulle hul gunstelingdis voorberei. Die video moet saam met ‘n kort opstel gestuur word, waarin die deelnemers hulself voorstel, verduidelik waar hul liefde vir kos vandaan kom en waarom hulle graag aan die kompetisie wil deelneem. Stuur inskrywings per e-pos aan stirweskus@gmail.com.
Weslander is die mediaborg van S.T.I.R. Weskus en die Longacres Privaatskool se geriewe sal vir die 2026-kompetisie gebruik word.
