Leerders met gestremdhede van reg oor die Weskus het voorverlede Saterdag (15 November) by die Weskusskool in Saldanhabaai vir Wêreldspeeldag bymekaargekom.
Dit is deur die Wes-Kaapse departement van onderwys (WKOD) aangebied en met trots deur Tronox ondersteun.
Wêreldspeeldag vorm deel van Suid-Afrika se gestremdheidsbewustheidsmaand, wat die belangrikheid van sigbaarheid, insluiting en ondersteuning vir mense met gestremdhede beklemtoon.
Die geleentheid het atletiek, sokker en vryspelaktiwiteite ingesluit, wat ontwerp is om individue te ontwikkel en deelname aan te moedig. Tronox-werknemers het hul tyd vrywillig aangebied om met aktiwiteite te help en met kinders te skakel, wat die maatskappy se praktiese benadering tot korporatiewe sosiale verantwoordelikheid demonstreer.
Eben Scholtz, ‘n direkteur van die Saldanha Smeltery, sê by Tronox glo hulle daaraan om geleenthede vir elke kind te skep vir hom of haar om te skitter.
Die WKOD het ‘n sleutelrol in die koördinering van die geleentheid vervul, met terapiekoördineerders en opvoeders van begunstigde skole wat aktiwiteite fasiliteer en verseker het dat elke leerder ondersteun en ingesluit voel.
“Speel skep ‘n ruimte waar elke leer- der voel hy/sy behoort,” het Bronagh Hammond, ‘n woordvoerder vir die WKOD, gesê .
“Die maand van bewustheid van gestremdhede herinner ons daaraan dat insluiting nie ‘n ekstra is nie, maar ‘n verantwoordelikheid. Dit is ‘n eer om te help om hierdie geleenthede vir ons leerders te skep, want wanneer ons hindernisse verwyder en die veld vir elke kind oopmaak, eer ons hul potensiaal en hul waardigheid.”
Wêreldspeeldag het gedien as ‘n kragtige voorbeeld van wat bereik kan word wanneer die regering, sakeondernemings en gemeenskappe saamwerk om inklusiewe ruimtes vir almal te skep.
