Die graad 2-leerders van Laerskool Langebaanweg het onlangs na die Paarl gereis om meer oor wilde diere te leer en ’n paar slange, paddas en ’n kameelperd te ontmoet.
’n Paar dapper leerders het op die opvoedkundige uitstappie na Giraffe House die kans gebruik om ’n slang of twee vas te hou, terwyl een gelukkige padda selfs ’n soen van ’n juffrou gekry het (maar nié in ’n prins verander het nie).
Die skool het die span wat alles gereël het bedank. Dit was glo ’n ervaring wat min van die leerders sal vergeet.
