Die ATKV-Saldanhabaai het onlangs die hulp van die bekroonde Weskus-skrywer Esta Steyn ingespan om leerders van plaaslike skole ’n paar wenke om opstelle te skryf, te gee.
Die ATKV-opstelkursus is Vrydag 15 Junie by die Laerskool Saldanha aangebied waar Steyn die leerders gelei het.
Die plaaslike ATKV bied elke jaar ’n interskole-opstelwedstryd aan en hierdie kursus sal ’n hupstootjie aan die leerders gee wat later vir die interskole sal registreer.
Tien graad 7-leerders van die Laerskool Saldanha, St. Andrews Primêr en Diazville Primêr het ’n eersteklasles ontvang.
