Mense het vanjaar van Donderdag 28 tot Sondag 31 Augustus behoorlik na die Hopefield-fynbosskou gestroom.
Volgens Helena van der Westhuizen, die voorsitter van die skoukomitee, het sowat 7500 besoekers deur die hekke gestroom.
Dit was die 36ste Fynbosskou sedert sy ontstaan in 1989.
Die weer was vir vier dae heerlik in die Weskus – ideaal vir rondstap tussen stalletjies en die fynbosuitstalling.
Kinders kon ook lekker op die speelparktoerusting baljaar.
Met die uiteenlopende aanbieding van warm kos en snoepgoed is niemand honger daar weg nie.
