Xavier Lemat Owies (10) van Doringbaai het onlangs by die Suid-Afrikaanse Laerskole-atletiekkampioenskap in Potchefstroom die verspringrekord agter sy naam geskryf.

Dié leerder van die Hoërskool Lutzville het by die SA Laerskole-atletiekkampioenskap aan die 80 m, 100 m en verspring deelgeneem. Hy het ’n tweede plek by die kampioenskap in die o.11- 80 m vir seuns in 10,61 sek. behaal. Hy het ook die vierde plek in die 100 m-eindronde vir seuns o.11 in 13,21 sek. losgehardloop. Sy aflosspan het ook hul wedren gewen, waarvoor hy ’n goue medalje ontvang het.

Sy grootste prestasie was egter sy eerste plek – en ’n goue medalje – in die verspring met ’n afstand van 4,75 m.

Xavier is die kleinseun van die bekende wyle Desmond van Dieman van Saldanha.