Die Weskus-marathon lok jaarliks honderde atlete na Langebaan, maar talle plaaslike atlete pak ook dié gewilde wedloop elke jaar aan.

Die meester-stapatleet Douglas Hector en vier junior Malmesbury-atlete het Saterdag die wedlope aangepak. Hector rig tans dié vier toegewyde atlete in spoedstap sowel as 10 km-padwedlope af. Dié Vredenburger het die 10 km-roete gestap terwyl Reslin Manuel, Allistair Manuel en Daphne Daniels dieselfde wedloop kafgedraf het.

Creslin Manuel het op haar beurt die 5 km-wedloop gehardloop en haar wedloop in 23:42 voltooi – ’n goeie tyd, volgens Douglas.

Enigeen wat belangstel in spoedstap as juniors of seniors, kan Hector by 072 383 0519 bel.