Bestanddele
Witsous
50 g (4 e) botter
90 g (8 e) koekmeel
1 k warm melk
Tert
3 snye brood
2 k kook melk
2 k gaar snoek, gevlok
2 k kaas, gerasper
30 ml botter, gesmelt
4 eiers, XL
1 ui
1 e pietersielie, gedroog
Sout en peper na smaak
Metode
Verhit die oond vooraf tot 180 °C en smeer die oondpan met botter of kleefvry-oliesproei.
Witsous
Maak die roux: Smelt botter in ’n kastrol wat op matige hitte gestel is. Roer die meel by en kook dan vir 1-2 minute totdat die roux baie lig goudbruin word.
Kook die sous deur die melk ’n bietjie op ’n slag by te klits totdat die sous glad is en die melk ingewerk is. Verlaag die hitte en laat liggies prut, terwyl jy gereeld roer, totdat die sous glad en dik is.
Tert
Week die brood in die gekookte melk en laat afkoel tot kamertemperatuur.
Voeg al die bestanddele saam en roer goed deur. Skep in die oondbak en bak vir 35-55 minute of tot goed gaar.
