Suid-Afrikaners is al vir maande voos vir die Covid-19-pandemie, maar met die land se tweede vlaag amptelik op hande, is dit belangrik om steeds by die veiligheidsmaatreëls te hou.
Plaaslik het gevalle oor die afgelope weke toegeneem. Onthou om veilig te wees – dra ’n masker, was jou hande gereeld en hou ’n veilige sosiale afstand.
“Hoewel bejaardes die mees kwesbaar vir erge Covid-19 is, was meer as 40% van die Wes-Kaap se sterfgevalle mense wat jonger as 60 is. Dit sluit meer as 120 mense in jonger as 30, byna 900 tussen 30 en 50, en meer as 1 000 tussen 50 en 59 jaar oud,” het die premier Alan Winde, Vrydag (11 Desember) gewaarsku.
| Buurt | 13 Nov. | 27 Nov. | 4 Des. |
| Saxonsea | 254 | 281 | 300 |
| Mamre | 211 | 217 | 222 |
| Proteapark | 150 | 165 | 180 |
| Robinvale | 161 | 172 | 179 |
| Witsand | 109 | 122 | 132 |
| Sherwood | 112 | 125 | 139 |
| Beaconhill | 79 | 80 | 82 |
| Nywerheid | 56 | 63 | 67 |
| Wesfleur | 22 | 23 | 24 |
| Saxonworld | 12 | 12 | 12 |
| Pella | 7 | 9 | 9 |
| Avondale | 188 | 211 | 222 |
| Totaal | 1 361 | 1 480 | 1 568 |
