Die afhanklikheid van eenmalige produkte en plastiekverpakking veroorsaak onomkeerbare skade.
Vullisterreine ontplof, bergreekse en uitgestrekte oseane word verstik en meer afval word verbrand as ooit tevore. Is daar ’n manier om ons afvalverbruik aan te pak, terwyl ons ook innovasie, volhoubare groei en robuuste werksgeleenthede aanmoedig?
Die wêreld het ’n plastiekkrisis – ’n materiaal waarvan ons afhanklik is, maar nou besig is om in te verdrink.
Herwin hierdie om die “asblik in kontant” om te skep
Soos die ou gesegde lui: “Een man se asblik is ’n ander man se skat.”
Afval soos plastiekbottels, aluminium-blikke, skrootmetaal, kartondose sowel as hout is waardevolle herwinbare materiale wat jy kan gebruik om in geld te verander.
Dus, as jy ongewenste goed in jou huis het, doen navorsing om te sien of dit enige geld werd is.
Mense wat kreatief is, kan ’n groep begin wat bymekaarkom om jul kreatiewe denke te laat loop en produkte uit afval te herwin.
Sulke produkte kan ook ’n inkomstestroom word of bloot vir eie gebruik wees as pronkstukke vir wanneer vriende en familie kom kuier.
As jy op soek is na ’n kreatiewe manier om huishoudelike afval te hergebruik, gebruik koffiepotte as stoorhouers, plastiekbottels om planthouers te maak, of begin ’n kruietuin met leë tweeliterbottels.
Vertikale tuine, spaarvarkies en selfs blomvase kan alles van ou houers gemaak word, al maak jy nie geld daarmee nie – jy hoef nie bekommerd te wees om duur houers te koop om vir berging of planthouers te gebruik nie.
Hierdie is net ’n paar idees oor hoe om by te dra om minder afval na stortingsterreine te stuur. Organisasies soos Regenize (www.regenize.co.za), Love Our City Klean (LOCK op Facebook) en Wasteplan (www.wasteplan.co.za) kan ook genader word oor die afval vir geld.. Besoek www.atlantissez.com of stuur e-pos na hello@atlantissez.co.za vir nog inligting oor wat die Atlantis- spesiale ekonomiese ontwikkelingsone (Asez) as ’n organisasie doen om ’n groener ekonomie te bevorder.
