Bheki Cele, die minister van polisie, het onlangs die jongste polisiemisdaadstatistieke vir 1 April tot 30 Junie bekendgemaak. As hierdie kwartaal met dieselfde tydperk verlede jaar vergelyk word, toon die statistieke meer vroue en meer polisiebeamptes is vermoor.
Die beste manier om ’n verskil in die algehele misdaadprentjie te maak en om al die getalle af te bring, is om alle dade van misdaad aan te meld en persoonlik by jou veiligheid betrokke te raak.
“ ’n Belangrike eerste stap om hierdie misdaadvlakke aan te pak, is om seker te maak dat elke voorval word by die polisie aangemeld. Bloot omdat ’n rooftog of motordiefstal op ’n gemeenskaps-WhatsApp-groep aangemeld word, maak dit nie ’n aangemelde misdaad nie,” sê Charnel Hattingh, hoof van bemarking en kommunikasie by die Fidelity Services-groep.
“Ja, sosialemediaplatforms is vir baie redes waardevol. Slagoffers moet egter nie dinge daar laat nie. Hulle moet die voorval by die polisie aanmeld sodat dit as ’n misdaadstatistiek aangeteken kan word.”
Misdaadstatistieke help die polisie om die toepaslike hulpbronne aan dorpe toe te ken in samewerking met private veiligheidsmaatskappye en ander belanghebbendes, om lewens te beskerm deur misdaad beter te bestuur, om neigings te bekamp en die regstelsel toe te rus.
Kleinmisdadigers word baie dikwels ernstige oortreders later – miskien jare nadat hulle weggekom het met sakkerollery of winkeldiefstal, want niemand het die moeite gedoen om dit aan te meld nie.
“Onthou ook dat misdadigers hulle met misdadigers assosieer. Die inhegtenisneming van ’n sakkeroller in jou straat kan lei tot ’n veel groter vis vir die polisie of verbind word met ander misdade wat die dorp geteister het.”
Maar het Suid-Afrikaners so onsensitief geraak dat dit hulle min pla?
Hattingh sê dit is ’n ongelukkige werklikheid dat baie mense gelukkig voel om te lewe en net wil aanbeweeg nadat hulle die slagoffer van ’n misdaad geword het.
Trauma is ook dikwels ’n rede waarom slagoffers verkies om nie polisie toe te gaan nie; hulle wil nie die gebeure herleef deur ’n verklaring af te lê nie.
“Private veiligheidsmaatskappye het hulpbronne om kliënte wat slagoffers van misdaad is, by te staan met trauma-ondersteuning en die proses om die misdaad by die polisie aan te meld, sodat dit as ’n amptelike misdaadstatistiek aangeteken kan word.”
Onaangemelde misdade het geen waarde vir die polisie of die breër samelewing nie, voeg sy by.
“Geen misdaad is te klein om aangemeld te word nie en elkeen van ons kan ’n rol vervul om misdaad in hierdie land te bekamp deur sulke voorvalle aan te meld. Die enigste waarde wat ’n misdaad het, is wanneer dit aangemeld word, word dit inligting vir die polisie en ander veiligheidshulpbronne om te gebruik om misdaad te bestry en misdadigers van ons strate af te kry.”
Om misdaad te help bekamp, meld alle misdade aan.
