Dit was ’n dag wat hulle nie maklik sal vergeet nie.
Só meen deelnemers aan Weskus Nuus se eerste Willie Martin/Rowland Hermanus-uitdaagtoernooi wat Saterdag 28 September by die Robinvale-sportterrein gehou is.
Die dag word ter nagedagtenis van Martin en Hermanus gehou wat deel van die Weskus Nuus-span was. Die dag was ’n reusesukses met 12 plaaslike sokkerspanne en agt netbalspanne wat in die senior afdeling en 25 junior netbal- en 15 sokkerspanne wat deel-geneem het.
Weskus Nuus beoog om die toernooi ’n jaarlikse instelling te maak.
