Groen-tegnologie is die gebalanseerde gebruik van bewaring, produkte en dienste van die aarde se natuurlike bestaande hulpbronne om die impak op die omgewing te verminder.
Tradisionele vervaardiging het die aarde se natuurlike hulpbronne oor die jare uitgeput.
Die keuse vir ’n groener leefstyl en vervaardiging moedig groei en ontwikkeling aan, maar op ’n volhoubare manier waar jy die omgewing op jou hart dra.
Op hierdie manier help groen-tegnologie ook om jou koolstofvoetspoor te verminder.
Die groen-ekonomie berus op die vraag en aanbod van produkte en dienste wat nie skadelik vir die omgewing is nie.
Dit word gedoen met behulp van nuwe omgewings- en sosiale beleide en wetgewing.
Voorbeelde van groen-tegnologie is onder meer waterbesparingstoestelle, komponente om hernubare energie op te wek, soos sonpanele of windturbines en die berging van batterye, om maar net ’n paar te noem.
Hulpbron-doeltreffendheid is die optimale gebruik van materiale en energie in die vervaardiging en hergebruik van produkte of afvalmateriaal.
Hulpbrongebruik sluit nie net die hergebruik van materiale in nie, maar ook die gebruik van lug, water en grond.
Hulpbron-doeltreffendheid stel ’n ekonomie in staat om meer uit minder te skep – om dus meer waarde met minder insette toe te voeg. Die versekering van doeltreffende gebruik van hulpbronne in vervaardiging lei tot ’n minder skadelike uitwerking op die omgewing en kan in die lang termyn dikwels meer kostedoeltreffend wees.
’n Goeie voorbeeld is energie wat uit ’n sonpaneel opgewek word. Elektrisiteit wat só opgewek word, is minder skadelik vir die omgewing as elektrisiteit wat deur ’n steenkoolkragstasie opgewek word aangesien dit sonstrale in plaas van die verbranding van steenkool gebruik.
Om sonpanele aan te skaf, kan dalk duur wees, maar sodra hierdie koste tussen drie en vyf jaar deur besparings terugbetaal word, is die elektrisiteit gratis. . Kontak die Atlantis SEZ-kantoor vir nog inligting op info@atlantissez.co.za
