Namate ons die agtste maand van die jaar betree, is ons ongelooflik trots op die vordering wat tot dusver hierdie jaar gemaak is. Die Atlantis- spesiale ekonomiese sone (Asez) het ’n langtermyn-siening en benadering tot sy werk. Ons is nog in die vroeë stadium van wat minstens ’n 10-jaar-program is. Langtermyn-sukses in konstruksie sal afhang van die bou van ’n soliede platform van professionaliteit en bestendige lewering. In hierdie proses verstaan die Asez die ekonomiese belang van klein, medium en mikro ondernemings (SMME’s) vir die groei van die breër gemeenskap en die land. Ons is verbind tot die ondersteuning van SMME’s deur die verskaffing van die nodige inligting en bystand. Doeltreffende koördinering en kommunikasie is deurslaggewend om hierdie doel te bereik.
Hier is ’n paar sleutelonderdele van die ondersteuningstelsel wat ons glo belangrik is: Sizo (die Asez- volhoubare infrastruktuur- en sone-bedryfspan) werk saam met die hoofkontrakteur. Hulle sal verseker dat die hoofkontrakteur sy kontraktuele verpligtinge nakom en die standaard en gehalte van werk handhaaf.
Die Sizo-span se taak is om te verseker dat elke konstruksieprojek betyds, binne die begroting en van hoë gehalte voltooi word.
Hul primêre funksie is dus lewering. Hul mandaat sluit nie direkte ondersteuning aan SMME’s in nie.
Dit is noodsaaklik om te erken sodra ’n SMME deur die hoofkontrakteur in diens geneem is, die Asez nie in daardie kontrak kan ingryp nie. SMME’s moet volle verantwoordelikheid neem om te verseker dat hulle die kontrak wat hulle teken, verstaan.
Die Asez-vaardighede, ondernemings en gemeenskapsontwikkelinspan (IES-span) werk saam met SMME’s om professionaliteit van die begin af te bevorder. Dit beteken dat hulle SMME’s as opkomende konstruksiemaatskappye behandel en hulle lei om die vaardighede en professionele benaderings te ontwikkel wat nodig is vir langtermyn-sukses in die konstruksiebedryf.
Hierdie mentorskap gaan daaroor om te verseker dat hulle goed voorberei is om in die mededingende mark onafhanklik te staan.
Die span fokus op die ontwikkeling van vaardighede en opleidingsprogramme wat die nodige ondersteuning bied, sowel as ander spesifieke ingrypings om hul ondernemings te help groei. Die SMME’s- konstruksiementor wat op elke terrein in diens geneem word, is verantwoordelik om te verseker dat SMME-kontrakteurs hul kontrakte en verantwoordelikhede verstaan, waarvan die koste wat die hoofkontrakteur aangaan, begryp en nie weens onafgehandelde werk ledig gelaat word nie.
Die Gemeenskapskakelbeampte (CLO) hanteer terreinprobleme deur dit aanvanklik na die hoofkontrakteur te verwys.
As dit nie onopgelos word nie, sal hierdie probleme opgeskuif word na maandelikse vergaderings met Asez en die kontrakteur, en indien nodig, na die CSN.
Hierdie duidelike eskalasielyn verseker dat probleme vinnig en doeltreffend getakel en die hoof gebied word.
