Die 34-jarige beskuldigde wat na bewering ‘n 60-jarige vrou van Bothaville in haar huis verkrag het en met ‘n hammer aangerand het, is in hegtenis geneem.
Die Welkom-eenheid vir Gesinsgeweld, Kinderbeskerming en Seksuele Misdrywe (FCS) het die belangrike inhegtenisneming op 6 Augustus, gemaak toe hulle die manlike verdagte in Bothaville vasgekeer het.
Die slagoffer het kopbeserings opgedoen en moes gehospitaliseer word.
Met die hulp van die buurtwag en die gemeenskap is die verdagte geïdentifiseer en inhegtenis geneem.
Die polisie ondersoek ‘n klag van poging tot moord en verkragting.
