Lede van die Welkom-stoei-klub het talle medaljes op die Suid-Afrikaanse Griekse-Romeinse stoeikampioenskapsbyeenkoms verwerf.

Op dié byeenkoms, wat op 30 Mei in Pretoria gehou is, het 591 deelnemers van oor die land heen meegeding.

Die klub se stoeiers het as deel van die Vrystaatspan deelgeneem.

CJ Swart het in twee afdelings meegeding en ‘n goue medalje in die o.15-afdeling, asook silwer in die o.20-afdeling, gewen.

Wian van der Merwe het silwer in die o.15-afdeling ontvang.

In die afdelings vir jonger stoeiers het Lewies Jonker silwer in die o.9-afdeling gewen, terwyl Liam Herbst (o.8), Rynhard Greef (o.8), Jared van der Merwe (o.11), Jan Phillip du Plessis (o.8) en Hayden Seider (o.8) elkeen brons verwerf het.

Kaydem Prinsloo was vierde in die o.10-afdeling, en Leben Prinsloo het ook aan die kampioenskapsbyeenkoms deelgeneem.