Chanique Wilkens, ‘n leerling van Welkom-Volkskool, is reeds vir twee jaar agtereenvolgens die Suid-Afrikaanse kampioen in gewigstoot.
Hierdie jaar het sy vir die eerste keer aan spiesgooi deelgeneem en het daarin geslaag om ‘n indrukwekkende tweede plek by die Suid-Afrikaanse Kampioenskappe te behaal.
Sy het aan die SA Kampioenskappe te Germiston deelgeneem vanaf 20 tot 22 Maart.
Haar gewigstoot-afrigter is haar pa, Kobie, terwyl sy in spiesgooi afgerig word deur Jan du Toit.
Chanique is die kleindogter van die afgetrede stoeier, Jan Wilkens.
