Kirkwood Rolbalklub se gewilde Besigheidsliga se finale wedstryde is verlede week beslis en die Lezmin-span is die nuwe kampioene.
‘n Totaal van 14 besigheids-spanne het deelgeneem en wedstryde is elke Dinsdagaand gespeel. Die Lezmin-span het al hul wedstryde gewen en slegs een van was ‘n gelykop-stryd.
Die 2021 wenners en individuele presteerders is as volg: 1. Lezmin; 2. Tibshraeny Broers (verloor slegs een wedstryd); 3. Suncape (verleer slegs een wedstryd).
Michelle Griffiths van Hoërskool Kirkwood is aangewys as die belowendste vroue-speler terwyl Schalk Nel van die Korrektiewe Dienste die belowendste rolbalspeler in die mans-afdeling was. Die Kirkwood Rolbalklub nooi enigeen wat belangstel om rolbal te leer speel uit om by die klub aan te sluit.
- Vir gratis afrigting of inligting bel Gerrit Kriel by 079 552 6666.
