Talle dubbeldore onder die nuwe graad 1’s wat by Gene Louw aantree

Die Laerskool Gene Louw in Durbanville het sy nuwe graad 1-leerders reeds Dinsdag 13 Januarie – ’n dag voor die skool amptelik geopen het – verwelkom om hulle ’n voorsmakie te gee van hul eerste skooljaar. Altesame 231 tjokkers, waaronder sewe tweelinge, het om 08:00 saam met hul ouers aangetree om hul onderwysers, klaskamers en die speelterrein beter te leer ken, en kon 10:00 weer huis toe gaan. Ná hierdie kort besoek was almal slaggereed vir die “regte” eerste skooldag op Woensdag.