DF Akademie het aangekondig dat Johan van Niekerk, ‘n graad 10-leerder, na die top 30 van die “Maak My ‘n Miljoenêr” Entrepreneur van die Jaar-kompetisie deurgedring het na ‘n suksesvolle vertoning tydens die BrandBank-ronde op 30 Maart.
Dié landswye kompetisie het gedurende die eerste drie maande 96 skole besoek en 120 000 hoërskoolleerders toegespreek. Van die 260 hoërskool-entrepreneurs wat ingeskryf het, is ‘n top 60 gekies, en toe die top 30 waarvan Johan nou deel is.
Tydens die BrandBank-ronde moes deelnemers voor ‘n paneel van vyf beoordelaars sit en hul ondernemings verduidelik. Die beoordelaars was Albert van Wyk, Matthew Blauw, Jason Coulson, Shaniqua Steenkamp en Riaan du Toit.
Via-TV uitsending
Die top 30-deelnemers sal vanaf 24 Augustus op Via-TV se reeks verskyn, wat Maandae om 19:00 op kanaal 147 uitgesaai word.
Die oorblywende deelnemers sal met uitdagings getoets word om oplossings vir regte wêreld probleme in bestaande ondernemings te vind, met ‘n stemming na elke uitdaging.
DF Akademie het vertrou dat Johan die top 20 kan bereik en beklemtoon dat sy prestasie bewys lewer van die talent, harde werk en deursettingsvermoë van die skool se leerders.
Meer inligting is beskikbaar op www.maakmynmiljoener.co.za.
