‘n 15-Jarige seun van Brackenfell het gisteraand na bewering albei sy ouers doodgeskiet.
Die Brackenfell-polisie is omstreeks 18:00 ontbied na die huis in Sharonsingel in Proteahoogte waar die liggame van ‘n 37-jarige man en ‘n vrou met skietwonde gevind is.
Die egpaar is op die toneel dood verklaar.
Die 15-jarige seun is in hegtenis geneem en word aangehou.
Volgens die Brackenfell-polisie sal hy later vandag vir sielkundige assessering gaan.
“Ons ondersoek tans die omstandighede rondom die dubbele moord,” sê ‘n polisiewoordvoerder.
Lees meer in die volgende uitgawe van TygerBurger.
