Die byeenkoms sluit ook ’n ronde van die Wes-Kaapse tydrenkampioenskap in.
Die kollig sal gewis op die meer bekende Toyota-spanne val, wat splinternuwe tegnologie onder die dop van hul Starlet-tydrenmotors het.
Sy motor is egter ingevolge homologasiereëls gediskwalifiseer.
Plaaslike jaers sluit in Inus de Plessis van Stellenbosch, Cobus Edas van Malmesbury, Benjamin Johnson van Stellenbosch en Johann Zulch van Ceres, om maar net ’n paar te noem.
Die tydrenaksie begin môre (Vrydag 12 April) om 10:00 by die Hyundai Malmesbury-vertoonlokaal, van waar die eerste motor na die wegspringpunt van die De Grendel-sneltrajek, wat om 10:14 begin, sal vertrek.
Die dienspunt voor die wegspring en tussen al die sneltrajekte in en om Malmesbury sal by die Hoërskool Swartland wees.
Die eerste motor word ná die sesde sneltrajek omstreeks 15:00 by die eindpunt by die Du Vlei-plaasstal verwag.
Die dag se dienspunt tussen sneltrajekte sal ook hier wees.
