Die twee rugbyklubs Darling en Saron het Saterdag toeskouers met aksiebelaaide spel op die punt van hulle sitplekke gehad, maar dit was uiteindelik Darling wat as wenners uit die stryd getree het met die eindtelling wat op 50-31 te staan gekom het.
Darling se hoofafrigter, Neil Papier, het ná die kragmeting gesê al het sy span die wedstryd gewen, het hulle steeds baie werk om aan hul verdediging te gaan doen.
Hy meen albei klubs se spelers het goeie rugby gespeel en Saron het in die tweede helfte goed teruggekom maar kon net nie Darling op die puntebord verbysteek nie.
Die ander uitslae in die Swartland-streek was as volg:
Goodhopes 23-29 Never Despairs
Porterville 24-26 Moorreesburg
Koringberg 10-16 Villagers
Aangesien Abbotsdale steeds geskors is, kon die wedstryd tussen dié klub en Wesbank nie die naweek voortgaan nie.
’n Tugverhoor word vanaand (Dinsdag 6 September) gehou. Indien die klub die groenlig kry om sy ligaverpligtinge voort te sit, sal hy eerskomende naweek teen Darling speel.
Ander wedstrydbepalings vir 10 September sluit in:
Swartland
Saron teen Wesbank
Villagers WW teen Goodhopes
Never Despairs teen Porterville
Moorreesburg teen Koringberg.
