Die was ’n besige vakansie vir die jong sportmanne en -vroue van die Laerskool Swartland wat aan verskeie sportgeleenthede deelgeneem en goed presteer het.
Krieket
Die o.13-krieketspan het aan die HTS Drostdy- en Worcester-Oos-o.13-Krieketfees deelgeneem en die volgende uitslae behaal:
Wedstryd 1: LSS t. Uitnodiging-XI-tal (groepwedstryd 1):
LSS 116 vir 4 ná 20 beurte.
Kolwers: Janco Hoon 26 (21) nie uit nie; Joshua Bierman 21 (45) nie uit nie.
Uitnodiging-XI-tal 106 vir 6 ná 20 beurte.
Boulers: Ruan Zeeman (4 beurte, 1 leeg, 2 paaltjies vir 12 lopies); Connor Solomons (4 beurte, 2 paaltjies vir 32 lopies).
LSS wen die wedstryd met 10 lopies.
Wedstryd 2: LSS t. Worcester-Oos (groepwedstryd 2):
LSS 62 vir 6 ná 20 beurte.
Worcester-Oos 63 vir 0 ná 10.1 beurte
LSS verloor met 10 paaltjies.
Wedstryd 3: LSS t. Stellenbosch o.13B (groepwedstryd 3):
LSS 101 vir 9 ná 20 beurte.
Kolwers: Joshua Bierman 31 (29); Herlu Smith 25 (44).
Stellenbosch 65 vir 10 ná 16.1 beurte
Kolwers: Joshua Bierman (4 beurte, 4 paaltjies vir 20 lopies); Gideon Truter (4 beurte, 2 paaltjies vir 19 lopies).
LSS wen met 36 lopies.
Joshua Bierman word aangewys as speler van die wedstryd.
LSS, Worcester-Oos en Uitnodiging-XI-tal eindig op vier punte. LSS eindig derde tussen die drie skole as gevolg van ’n swakker lopietempo.
Wedstryd 4: LSS t. Bredasdorp (5de plek halfeindstryd):
LSS 98 vir 8 na 20 beurte.
Kolwers: Herlu Smith 26 (40).
Bredasdorp 99 vir 8 ná 19.5 beurte
Boulers: Joshua Bierman (4 beurte, 2 leeg, 3 paaltjies vir 6 lopies);
Gideon Truter (4 beurte, 2 leeg, 2 paaltjies vir 13 lopies); Herlu Smith (3.5 beurte, 2 paaltjies vir 18 lopies)
LSS verloor met twee paaltjies.
Wedstryd 5: LSS t. Stellenbosch o.13B (7/8ste plek uitspeel):
Stellenbosch 52 vir 6 na 20 beurte
Boulers: Gideon Truter (4 beurte, 2 leeg, 3 paaltjies vir 4 lopies); Callum Claassen (4 beurte, 2 paaltjies vir 15 lopies).
LSS 53 vir 3 ná 12.1 beurte.
LSS wen met sewe paaltjies.
Gideon Truter word aangewys as speler van die wedstryd.
Tennis
. Jeanne Thompson, Danielle Hoffman, Anne-Mari Steyl en Karlien Viljoen het Sondag 15 September aan die eerste ronde van die Rising Star-meisies-tennistoernooi deelgeneem en eerste in die Swartland-streek geëindig.
Dié vier tennisspelers het daarna (29 en 30 September) aan die tweede ronde van die kompetisie deelgeneem, waar hulle vir die Wes-Kaapse kampioen tussen die verskillende streke uitgespeel het. Hulle het die Swartland-streek verteenwoordig.
Ronde 1 t. Courtrai (Groepwedstryd 1):
LSS verloor al twee enkelwedstryde en die dubbelswedstryd.
Ronde 2 t. Beaumont (Groepwedstryd 2):
LSS verloor beide enkelwedstryde, maar wen die dubbelswedstryd.
Ronde 3 t. Outeniqua (Groepwedstryd 3):
LSS wen een enkelwedstryd en die dubbelswedstryd, maar verloor die ander enkelwedstryd.
Ronde 4 t. Vredendal (Groepwedstryd 4):
LSS wen een enkelwedstryd en die dubbelswedstryd, maar verloor die ander enkelwedstryd.
LSS eindig saam met die Laerskool Koue Bokkeveld in die vyfde plek.. Pieter-Jan Bezuidenhout het in die Septembervakansie aan die Pro Kennex-tennistoernooi vir seuns o.9 deelgeneem en vierde geëindig.
Bergfietsry
Daniël Carstens het aan die WCSC-liga deelgeneem aan die einde van die seisoen en algeheel vyfde in die afdeling vir junior seuns geëindig.
Gimnastiek
Heinrich Erasmus het ’n derde plek in die Trampolien-item in sy ouderdomsgroep by die WP-gimnastiektoernooi verwerf.
