Roelien Grobler (57) van Malmesbury het Donderdag (31 Oktober) omstreeks 10:30 staan en kyk hoe nooddienswerkers haar geliefde Hyundai i10 van onder ’n swaar vragmotor verwyder nadat haar voertuig op die hoek van Piet Retiefstraat en Voortrekkerweg deur die betrokke vragmotor getref is.
Grobler wou links vanuit Piet Retiefstraat in Voortrekkerweg draai toe sy en haar passasiers skielik ’n slag van agter af hoor en voel. Haar ma van 84 jaar en haar kleinseun (2 jaar en 4 maande) het op daardie stadium agter gesit, terwyl haar suster, wat al die pad vanuit Hartswater kom kuier het, langs Glober gesit het.
“Ek het net dadelik seker gemaak my kleinkind en my ma is buite gevaar en so ver as moontlik na links beweeg,” voeg Grobler by. Sy vermoed die bestuurder het te naby haar gery toe hy wou draai. “Van een ding is ek wel seker en dit is dat die Here met ons was,” glimlag Grobler soos inwoners om haar ondersteuning aangebied het.
Geen van die insittendes het beserings opgedoen het.
