Uitgereik deur kykNET
Binnelanders
Weeksdae om 19:30 op kykNET
Maandag, 26 Oktober
Steve word deur ’n skielike wending in ’n ondersoek verras, Katryn probeer om Henry moed in te praat, en Uys gee vir Bonnie nóg raad oor haar verhouding met Luke.
Dinsdag, 27 Oktober
Ella moet ’n belangrike besluit neem, Luke kry ’n onverwagse werksgeleentheid, Katryn en Henry soek saam na antwoorde, en At neem ’n skokbesluit oor ’n dokter se rol by Binneland.
Woensdag, 28 Oktober
Bonnie besluit dit is tyd om ’n reguit gesprek met Luke te hê, twee dokters probeer baie hard om die gevoelens tussen hulle te ontken, en Ella moet afskeid neem.
Donderdag, 29 Oktober
’n Onverwagse besoeker plaas Uys in ’n moeilike situasie. Mercia is uiteindelik eerlik oor ’n groot blaps wat sy begaan het, en Johan is nie eerlik oor sy gevoelens nie.
Vrydag, 30 Oktober
Mercia moet ’n haas uit ’n hoed uit pluk, en Joe dink Uys is besig om met vuur te speel. Dewald raak al meer gefrustreerd, en Johan waarsku Joe om oor sy skouer te kyk.
Suidooster
Weeksdae om 18:00 op kykNET en 18:30 op kykNET&kie
Maandag, 26 Oktober
Mymoena probeer haar dogter beskerm, terwyl Siya desperaat die regte ding probeer doen. Gary se soektog na die gewetenlose swendelaar neem ’n donker wending.
Dinsdag, 27 Oktober
Mike oorweeg om die reünie te kanselleer en Bridgette spring vir die kans om die man wat die kliniekprojek borg te ontmoet. Kate en Claire wil hê Gary moet ophou om jag te maak op die swendelaar.
Woensdag, 28 Oktober
Elzette vind meer uit oor die meisie wat haar met verf gegooi het en Bianca beïndruk almal met ’n uitstekende voorstel. Gary konfronteer Claire, terwyl Mike en die ou manne reünie hou.
Donderdag, 29 Oktober
Mymoena spoor die meisie op wat die verf op Elzette en hulle ondersoeker gegooi het, terwyl Mike sukkel om sy ooreenkoms met Derek te finaliseer. Gary stel ’n ultimatum aan Claire.
Vrydag, 30 Oktober
Claire wys vir Gary hoe sy berou het oor wat sy gedoen het en dat sy vir hom gejok het, terwyl ’n vreemde voorwerp Bennie teen sy kop tref. Elzette en Mymoena vat mekaar aan.
Diepe waters
Maandae tot Donderdae om 18:30 op kykNET
Maandag, 26 Oktober
Jacques probeer die nuwe klub op koers hou. Karla worstel steeds met wie sy is. Henry jaag sy koswaentjie droom na, met alles wat hy het.
Dinsdag, 27 Oktober
Gihan spandeer tyd by die klub rond om Jacques en Tshepo se guns te wen. Dit irriteer Justus. Zelda neem ‘n gewaagde besluit. Henry kry goeie nuus.
Woensdag, 28 Oktober
Gys besef die ware omvang van sy verliese. Henry se opwindende nuwe sakegeleentheid bring hom op ‘n botsingskoers met Lettie.
Donderdag, 29 Oktober
Gys en Jacques gee ‘n tree vorentoe om hul gebroke verhouding te herstel. Henry wen uiteindelik Lettie se ondersteuning, en Zelda sluit ‘n gevaarlike ooreenkoms.
Skemergrond
Maandae tot Donderdae om 19:30 op kykNET&kie
Maandag, 26 Oktober
Jasmine en Winnie deel die goeie nuus met Ragel. Sonja luister ‘n verdagte telefoongesprek af. Erica se plan ontrafel.
Dinsdag, 27 Oktober
Lily en Genie neem ‘n groot besluit oor hul toekoms. Christine maak ‘n vredesgebaar teenoor Jasmine. Hazel sien ‘n intieme oomblik wat haar en Lily se plan kan vernietig.
Woensdag, 28 Oktober
Genie verlaat Gemoedsdrif met ‘n gebroke hart. Christine stap vol hoop haar troue tegemoet. Soos skuldgevoelens opvlam en geheime begin lek, raak dit duidelik dat alles kan verander.
Donderdag, 29 Oktober
Sonja besef wat Rynard se plan is. Sy stel hom voor ‘n ultimatum. Die Louws is op hete kole oor Christine en Rynard se troudag.
Lees ook: kykNET-sepiegids – 19 tot 23 Oktober 2026 | rooi rose
