Bruinrysslaai met sade

Bestanddele

• 200 ml (¾ k) bruinrys, afgespoel
• 375 ml (1½ k) kookwater
• 30 ml (2 e) amandels
• 15 ml (1 e) sojasous
• 1 wortel, in dun stukkies gesny
• 125 ml (½ k) platblaarpietersielie, fyngekap
• 15 ml (1 e) sonneblomsaadpitte
• 23 ml (1½ e) pampoensade
• 15 ml (1 e) sesamsade
• 10 ml (2 t) sesamolie

Metode

1. Voorverhit oond tot 180 °C. Voer bakplaat met bakpapier uit.
2. Kook rys en verwyder van hitte. Laat staan onbedek vir 5 minute en maak met vurk los.
3. Meng intussen amandels en helfte van sojasous in bak. Versprei oor bakplaat. Bak neute vir 12 minute of tot goudbruin. Koel af en kap grof.
4. Meng rys, wortel, pietersielie en sade in groot bak. Voeg orige sojasous en sesamolie by. Meng goed en sit voor met neute bo-op.

rr wenk: Die slaai proe ook lekker saam met geroosterde vleis of vis.

Lees ook: Maklike lensiemoesaka | rooi rose