Hierdie heerlike, eenvoudige tuisgemaakte mieliebrood-resep is lig, donsig, met net ’n sweempie soet en baie maklik om te maak.
Dit is die perfekte brood om saam met jou gunstelingsop of -bredie voor te sit, asook heerlik op sy eie met ’n smeersel botter en heuning of konfyt saam met jou middagtee of -koffie.
Jy benodig:
1 koppie koekmeel
1 koppie mieliemeel
¼ koppie suiker
4 teelepels bakpoeier
½ teelepel sout
2 eiers teen kamertemperatuur
1 koppie karringmelk of suurmelk
1 koppie botter, gesmelt
So maak jy:
Verhit die oond vooraf tot 180 °C.
Smeer ’n vierkantige bakpan van 20 x 20 cm.
Meng die meel, mieliemeel, suiker, bakpoeier en sout in ’n groot bak saam.
Klits die eier, karringmelk en gesmelte botter saam en gooi die nat bestanddele by die droë bestanddele en roer tot net gemeng. Moenie te veel meng nie.
Gooi die mengsel in die bakpan.
Bak vir 30-35 minute of totdat ’n tandestokkie wat in die middel gesteek word skoon uitkom.. Karringmelk-plaasvervanger: Karringmelk voeg geur by en help hierdie mieliebrood lekker rys, maar as jy nie karringmelk het nie, plaas een eetlepel suurlemoensap of wit asyn in ’n 1-koppie-maathouer. Vul met 1 koppie melk en roer. Laat rus vir vyf minute en gebruik in die plek van karringmelk.
Moontlike byvoegings: Voeg 1 koppie mieliepitte, 1 koppie gerasperde cheddarkaas of 1 fyngekapte jalapeno-rissie by die beslag voordat dit gebak word.
Hierdie mieliebrood is heerlik saam met heuningbotter.
