Hoër Meisieskool Paarl het Woensdagaand (22 Februarie) vir die tweede agtereenvolgende jaar weggestap met die louere as 4M-kampioenne.
Die jaarlikse 4M-atletiekbyeenkoms waartydens die Boland se top meisieskole meeding, naamlik Girls’ High, La Rochelle, Bloemhof en Rhenish, het plaasgevind op Coetzenburg.
Die finale telbord het as volg gelyk:
Girls’ High – 549
Bloemhof – 366
La Rochelle – 350
Rhenish – 83
Die aand was behoorlik met aksie belaai, met verskeie rekords wat gespat het.
Van die rekords wat gebreek is, was: Diskus o.17 Elzahn Nel 40,31m (35,88m); Hoogspring o.14 Kayla le Roux 1,60m (1,59m) en 400m o.17 Barbara de Kock 56,03m (56,51m).
